ఆసియన్ గేమ్స్లో గోల్డ్ మెడల్ సాధించిన దొడ్డి బెలగల్ యువకుడు హుస్సేన్..
DNB News - ఆంధ్రప్రదేశ్ / : సౌదీ అరేబియాలో ఇటీవల నిర్వహించిన ఆసియన్ గేమ్స్లో కర్నూలు జిల్లా, దొడ్డి బెలగల్ గ్రామానికి చెందిన యువకుడు హుస్సేన్ అద్భుత ప్రతిభ కనబరిచి అంతర్జాతీయ స్థాయిలో మన ప్రాంతానికి గర్వకారణంగా నిలిచాడు. ఆసియన్ గేమ్స్లో నిర్వహించిన లాక్రోస్ పోటీలలో అసాధారణ ఆటతీరును ప్రదర్శించి గోల్డ్ మెడల్ సాధించిన హుస్సేన్, సౌదీ అరేబియాతో పాటు తన స్వగ్రామం దొడ్డి బెలగల్ మరియు మొత్తం కర్నూలు జిల్లా పేరు ప్రపంచానికి వినిపించాడు. గ్రామీణ ప్రాంతం నుంచి వచ్చిన ఒక యువకుడు కష్టపడి సాధించిన ఈ విజయం నేటి యువతకు గొప్ప ప్రేరణగా నిలుస్తోంది. సరైన పట్టుదల, లక్ష్యం ఉంటే ప్రపంచ వేదికలపై కూడా విజయాలు సాధించవచ్చని హుస్సేన్ తన ప్రతిభతో నిరూపించాడు. క్రీడాకారులను ప్రోత్సహిస్తే మన యువత ప్రపంచ స్థాయిలో దేశానికి కీర్తి తీసుకురాగలరని ఈ విజయం స్పష్టంగా తెలియజేస్తోంది. హుస్సేన్కు హృదయపూర్వక అభినందనలు తెలియజేస్తూ, భవిష్యత్తులో మరిన్ని విజయాలు సాధించి దేశానికి, రాష్ట్రానికి, కర్నూలు జిల్లాకు మరింత గౌరవం తీసుకురావాలని స్థానికులు ఆకాంక్షిస్తున్నారు.
Admin
DNB News
మరిన్ని వార్తలు
Developed By :
