పెట్రోల్ – డీజిల్ ధరల పెంపుపై వైఎస్సార్సీపీ భారీ నిరసన..
DNB News - ఆంధ్రప్రదేశ్ / : పెరిగిన పెట్రోల్ – డీజిల్ ధరలను వెంటనే తగ్గించాలని డిమాండ్ చేస్తూ వైఎస్సార్ కాంగ్రెస్ పార్టీ ఆధ్వర్యంలో సోమవారం కర్నూలులో భారీ నిరసన కార్యక్రమం నిర్వహించారు. వైఎస్సార్సీపీ కర్నూలు జిల్లా అధ్యక్షులు ఎస్‌వీ మోహన్ రెడ్డి ఆదేశాల మేరకు రాష్ట్ర మహిళా విభాగ వర్కింగ్ ప్రెసిడెంట్ ఎస్‌వీ విజయ మనోహరి ఆధ్వర్యంలో ఈ కార్యక్రమం జరిగింది. ఈ సందర్భంగా నాయకులు మాట్లాడుతూ, ఎన్నికల ముందు నారా చంద్రబాబు నాయుడు, నారా లోకేష్ పెట్రోల్ – డీజిల్ ధరలు పెంచమని, అవసరమైతే తగ్గిస్తామని ప్రజలకు హామీ ఇచ్చారని, కానీ అధికారంలోకి వచ్చిన తరువాత మాట తప్పారని విమర్శించారు. ఆంధ్రప్రదేశ్‌లోనే పెట్రోల్, డీజిల్ ధరలు అత్యధికంగా ఉన్నాయని ఆరోపిస్తూ నాయకులు నిరసన ర్యాలీ నిర్వహించారు. అనంతరం కర్నూలు తహసీల్దార్ కార్యాలయంలో వినతిపత్రం సమర్పించి, వెంటనే పెరిగిన ఇంధన ధరలను తగ్గించాలని ప్రభుత్వాన్ని డిమాండ్ చేశారు. ఈ కార్యక్రమంలో వైఎస్సార్సీపీ కర్నూలు పార్లమెంట్ సమన్వయకర్త బుట్టా రేణుకతో పాటు నియోజకవర్గ నాయకులు, మహిళా నాయకులు, పార్టీ కార్యకర్తలు పెద్ద ఎత్తున పాల్గొన్నారు.
Admin
DNB News
మరిన్ని వార్తలు
Developed By :
