ప్రజా ఫిర్యాదుల పరిష్కార వేదికకు 65 ఫిర్యాదులు – విచారణ చేసి చట్టపరంగా న్యాయం చేస్తాం: ఎస్పీ విక్రాంత్ పాటిల్.
DNB News - ఆంధ్రప్రదేశ్ / : ప్రజా ఫిర్యాదుల పరిష్కార వేదిక ద్వారా వచ్చిన ఫిర్యాదులపై త్వరితగతిన స్పందించి పరిష్కరించాలని పోలీసు అధికారులను జిల్లా ఎస్పీ విక్రాంత్ పాటిల్ ఆదేశించారు కర్నూలు కొత్తపేటలోని కర్నూలు టూ టౌన్ పోలీస్ స్టేషన్ ప్రక్కన ఉన్న ఎస్పీ క్యాంపు కార్యాలయంలో సోమవారం ప్రజా ఫిర్యాదుల పరిష్కార వేదిక కార్యక్రమాన్ని ఎస్పీ నిర్వహించారు. జిల్లాలోని వివిధ ప్రాంతాల నుండి వచ్చిన ప్రజల సమస్యలను స్వయంగా వినిపించి, ఫిర్యాదుదారులతో మాట్లాడి వారి సమస్యలను అడిగి తెలుసుకున్నారు. ఈ కార్యక్రమానికి మొత్తం 65 ఫిర్యాదులు అందాయి. వచ్చిన ఫిర్యాదుల్లో ముఖ్యమైనవి ఇవి: బెంగుళూరులోని డెలాయిట్ సాఫ్ట్‌వేర్ కంపెనీలో ఉద్యోగం ఇప్పిస్తామని చెప్పి పామిడికి చెందిన చింతల సోమశేఖర్ రూ.1 లక్ష తీసుకొని మోసం చేశాడని ఆదోనికి చెందిన నరేంద్ర కుమార్ ఫిర్యాదు చేశారు. గూడూరులో ఉన్న ఒక ప్రైవేట్ స్కూల్‌ను తన భర్త రమేష్ ఆక్రమించుకోవాలని తన సంతకాలను ఫోర్జరీ చేసి, ఆస్తి మరియు చెక్ బౌన్స్ కేసులతో వేధింపులకు గురి చేస్తున్నాడని కర్నూలుకు చెందిన రాధిక ఫిర్యాదు చేశారు. కల్లూరు ప్రభుత్వ ఆసుపత్రిలో ఉద్యోగం వచ్చిన తనను కళ్ళు సరిగా కనిపించకపోవడాన్ని ఉపయోగించుకుని శ్రీరామ్ ఫైనాన్స్ లోన్ పత్రాలపై ష్యూరిటీ సంతకాలు చేయించారని, రూ.7 లక్షల లోన్ సమస్యపై సూపర్వైజర్ రఘుబాబు, లలితమ్మ, కిరణ్ పై చర్యలు తీసుకోవాలని ఓర్వకల్లు మండలం నన్నూరు గ్రామానికి చెందిన పబ్బతి నారాయణ ఫిర్యాదు చేశారు. విద్యాంజలి పథకం కింద పాఠశాలలు, కళాశాలల్లో ఉద్యోగాలు ఇప్పిస్తామని చెప్పి హైదరాబాద్‌కు చెందిన సుజాత ఠాకూర్ రూ.40 లక్షలు తీసుకొని మోసం చేసిందని కర్నూలు బి.క్యాంపుకు చెందిన అహ్మద్ ఉన్నీషా ఫిర్యాదు చేశారు. కర్నూలు రాం ప్రియనగర్‌లో ఉన్న తన ప్లాట్‌ను ఆక్రమించుకున్న వారిపై చర్యలు తీసుకోవాలని బుధవారపేటకు చెందిన శ్రీకాంత్ ఫిర్యాదు చేశారు. ఆరోగ్యం బాగోలేకపోయినా తన పెద్ద కుమారుడు పట్టించుకోకుండా ఇబ్బందులకు గురి చేస్తున్నాడని సి.బెళగల్ మండలం కంపాడు గ్రామానికి చెందిన యశోదమ్మ ఫిర్యాదు చేశారు. తన భర్త గుండెపోటుతో మరణించగా, ఆయన పేరుమీద ఉన్న జీవిత భీమా డబ్బులు ఇవ్వకుండా ఇబ్బందులకు గురి చేస్తున్న వారిపై చర్యలు తీసుకోవాలని ఆస్పరి మండలానికి చెందిన సుగుణమ్మ ఫిర్యాదు చేశారు. ఈ సందర్భంగా ఎస్పీ మాట్లాడుతూ ప్రజా ఫిర్యాదుల పరిష్కార వేదికకు వచ్చిన అన్ని ఫిర్యాదులపై చట్ట ప్రకారం విచారణ జరిపి బాధితులకు న్యాయం చేస్తామని, సమస్యలను త్వరితగతిన పరిష్కరిస్తామని తెలిపారు. ఈ కార్యక్రమంలో అడిషనల్ ఎస్పీ అడ్మిన్ హుస్సేన్ పీరా, కర్నూలు డీఎస్పీ జె.బాబు ప్రసాద్, సిఐ శివశంకర్ పాల్గొన్నారు.
Admin
DNB News
మరిన్ని వార్తలు
Developed By :
