కర్నూలు జిల్లాలో విజిబుల్ పోలీసింగ్ బలోపేతం – ప్రజల భద్రతకు ప్రత్యేక చర్యలు..
DNB News - ఆంధ్రప్రదేశ్ / : విజిబుల్ పోలీసింగ్ ద్వారా ప్రజల భద్రతకు మరింత భరోసా కల్పించేందుకు జిల్లా పోలీసులకు ఆదేశాలు జారీ అయ్యాయి. జిల్లా వ్యాప్తంగా శాంతిభద్రతల పరిరక్షణ కోసం ‘విజిబుల్ పోలీసింగ్’ కార్యక్రమాన్ని విస్తృతంగా నిర్వహిస్తున్నారు. ఈ కార్యక్రమం ద్వారా పోలీసులు ప్రజలకు మరింత చేరువవుతూ, నేర నియంత్రణ, రహదారి భద్రతపై అవగాహన కల్పించడం వంటి చర్యలు చేపడుతున్నారు. వాహనాల తనిఖీలు: అనుమానాస్పద వాహనాలను క్షుణ్ణంగా తనిఖీ చేస్తున్నారు. ముఖ్యంగా నిషేధిత వస్తువులు, గంజాయి వంటి వాటి అక్రమ రవాణాను అరికట్టేందుకు ప్రత్యేక నిఘా ఏర్పాటు చేశారు. సైబర్ నేరాలపై అవగాహన: ప్రజలు సైబర్ నేరాల బారిన పడకుండా ఉండేందుకు అవసరమైన జాగ్రత్తలపై అవగాహన కల్పిస్తున్నారు. తెలియని లింకులను క్లిక్ చేయవద్దని, వ్యక్తిగత వివరాలను అపరిచితులతో పంచుకోవద్దని సూచిస్తున్నారు. రహదారి భద్రత నిబంధనలు: ప్రమాదాలను నివారించేందుకు రహదారి భద్రతపై ప్రత్యేక దృష్టి సారించారు. ద్విచక్ర వాహనదారులు హెల్మెట్ తప్పనిసరిగా ధరించాలి. కారు డ్రైవర్లు సీటు బెల్ట్ పెట్టుకోవాలి అని స్పష్టం చేస్తున్నారు. నియమాల ఉల్లంఘనలపై చర్యలు: మైనర్ డ్రైవింగ్, సెల్‌ఫోన్ ఉపయోగిస్తూ వాహనం నడపడం, మద్యం సేవించి డ్రైవింగ్ చేయడం వంటి చర్యలపై కఠిన చర్యలు తీసుకుంటున్నారు. ఆటోలలో పరిమితికి మించి ప్రయాణికులను ఎక్కించుకుంటే కూడా చర్యలు తీసుకుంటామని హెచ్చరిస్తున్నారు. ప్రజలు భద్రతకు సంబంధించిన ఏవైనా సమస్యలు ఎదుర్కొంటే సమీప పోలీసు స్టేషన్‌ను సంప్రదించాలి. అత్యవసర పరిస్థితుల్లో డయల్ 112 లేదా 100 నంబర్లకు సమాచారం ఇవ్వవచ్చు. జిల్లా పోలీసు కార్యాలయం కర్నూలు..
Admin
DNB News
మరిన్ని వార్తలు
Developed By :
