మరోసారి తన మంచి మనసు పెద్ద మనసు చాటుకున్న ఎమ్మెల్యే రవికుమార్
DNB News - ఆంధ్రప్రదేశ్ / : సాప్ట్ బాల్ క్రీడాకారులకు తన వ్యక్తిగత నిధులతో కిట్ మరియు క్రీడా దుస్తులను పంపిణీ చేసిన ఎమ్మెల్యే కూన రవికుమార్ ఆముదాలవలస నియోజకవర్గంలోని ఆమదాలవలస మున్సిపాలిటీ పరిధిలో జగ్గుశాస్త్రుల పేట వద్ద ఉన్న NTR Green Field Stadiumలో నిర్వహిస్తున్న సౌత్ జోన్ నేషనల్ సాప్ట్‌బాల్ కోచింగ్ క్యాంప్ (మెన్ & ఉమెన్) కార్యక్రమం ఉత్సాహభరితంగా సాగుతుంది. ఈ కోచింగ్ క్యాంప్‌కు గౌరవ ఆముదాలవలస శాసనసభ్యులు, రాష్ట్ర పియుసి చైర్మన్ మరియు రాష్ట్ర సాప్ట్‌బాల్ అసోసియేషన్ అధ్యక్షులు శ్రీ కూన రవికుమార్ హాజరై క్రీడాకారులను ప్రోత్సహించారు. క్రీడాకారులు వసతుల సదుపాయం కోసం ఆయన తన వంతు సహాయాన్ని ముందుగానే అందజేశారు. క్రీడల అభివృద్ధి కోసం రాష్ట్ర ప్రభుత్వం కట్టుబడి ఉందని, గ్రామీణ ప్రాంతాల నుండి ప్రతిభావంతులైన క్రీడాకారులను వెలికి తీయడం తమ లక్ష్యమని ఎమ్మెల్యే తెలిపారు. సాప్ట్‌బాల్ క్రీడలో రాష్ట్రం జాతీయ స్థాయిలో గుర్తింపు పొందిందని ఇంకా ఉన్నతమైన అవార్డులు భవిష్యత్తులో సాధించాలని దానికి తన వంతు కృషి సహాయం చేస్తామని ఆయన పేర్కొన్నారు. ఈ కోచింగ్ క్యాంప్‌లో సౌత్ జోన్‌కు చెందిన పురుష మరియు మహిళా క్రీడాకారులు పాల్గొని శిక్షణ పొందుతున్నారు. అనుభవజ్ఞులైన కోచ్‌ల మార్గదర్శకత్వంలో జరుగుతున్న ఈ శిబిరం క్రీడాకారుల నైపుణ్యాలను మరింత మెరుగుపరచడానికి దోహదం చేస్తుందని నిర్వాహకులు తెలిపారు. ఈ కార్యక్రమంలో స్థానిక ప్రజాప్రతినిధులు, కూటమి ముఖ్య నాయకులు,క్రీడా సంఘాల ప్రతినిధులు, యువత మరియు క్రీడా అభిమానులు పాల్గొన్నారు.
Admin
DNB News
మరిన్ని వార్తలు
Developed By :
