రూ.21 లక్షలతో మైనారిటీ కాలనీలో అభివృద్ధి పనులు ప్రారంభం – ఎమ్మెల్యే డాక్టర్ పార్థసారథి.
DNB News - ఆంధ్రప్రదేశ్ / : ఆదోని పట్టణ పరిధిలోని మైనారిటీ కాలనీలో రూ.21 లక్షల వ్యయంతో రోడ్డు అభివృద్ధి పనులు ప్రారంభించినట్లు ఎమ్మెల్యే డాక్టర్ పార్థసారథి తెలిపారు. మైనారిటీ కాలనీలో రోడ్డు పనులకు ఆయన భూమి పూజ చేసి కార్యక్రమాన్ని ప్రారంభించారు. ఈ సందర్భంగా ఎమ్మెల్యే మాట్లాడుతూ, ఆదోని పట్టణానికి దూరంగా ఉన్న మైనారిటీ కాలనీని గతంలో ఎలాంటి నాయకులు పట్టించుకోలేదని అన్నారు. తాను ఏరియా పర్యటనలో భాగంగా కాలనీ పరిస్థితులను ప్రత్యక్షంగా పరిశీలించిన తర్వాత అభివృద్ధి పనులు చేపట్టినట్లు తెలిపారు. ప్రస్తుతం రూ.21 లక్షల నిధులతో రోడ్డు పనులు ప్రారంభించామని, రాబోయే రెండు మూడు సంవత్సరాల్లో మరింత నిధులు తీసుకువచ్చి మైనారిటీ కాలనీకి శాశ్వత రోడ్డు సదుపాయం కల్పిస్తామని హామీ ఇచ్చారు. ఈ కార్యక్రమంలో మునిసిపల్ చైర్మన్, మునిసిపల్ కమిషనర్, మునిసిపల్ ఇంజనీర్లు, కౌన్సిలర్లు, సంబంధిత అధికారులు పాల్గొన్నారు.
Admin
DNB News
మరిన్ని వార్తలు
Developed By :
