నాగనాథన హళ్లి–ధనాపురం రహదారి అభివృద్ధి పనులకు శ్రీకారం..
DNB News - ఆంధ్రప్రదేశ్ / : ఆదోని మండల పరిధిలోని నాగనాథన హళ్లి గ్రామం నుంచి ధనాపురం వరకు రహదారి మరమ్మత్తులు మరియు అభివృద్ధి పనులను రూ.7 కోట్ల వ్యయంతో ప్రారంభించినట్లు ఎమ్మెల్యే డాక్టర్ పార్థసారథి తెలిపారు. గ్రామీణ ప్రాంత ప్రజలకు మెరుగైన రవాణా సౌకర్యాలు కల్పించడమే ప్రభుత్వ లక్ష్యమని ఆయన పేర్కొన్నారు. ఈ సందర్భంగా ఎమ్మెల్యే మాట్లాడుతూ, గత ప్రభుత్వ హయాంలో ఇదే రహదారికి కేంద్ర ప్రభుత్వం నిధులు కేటాయించినప్పటికీ వాటిని వెనక్కి పంపిన ఘనత మాజీ ఎమ్మెల్యే సాయి ప్రసాద్ రెడ్డికి దక్కిందన్నారు. ప్రస్తుతం కూటమి ప్రభుత్వం ఆధ్వర్యంలో గ్రామీణ, పట్టణ ప్రాంతాల సమగ్ర అభివృద్ధికి ప్రాధాన్యత ఇస్తున్నామని తెలిపారు. ప్రజలకు మెరుగైన రోడ్లు, మౌలిక వసతులు కల్పించేందుకు ప్రభుత్వం కట్టుబడి ఉందని, ఈ రహదారి పనులు పూర్తయితే గ్రామాల మధ్య రాకపోకలు సులభతరం అవుతాయని ఎమ్మెల్యే పేర్కొన్నారు. ఈ కార్యక్రమంలో కురువ కార్పొరేషన్ చైర్మన్ దేవేంద్రప్ప, సంబంధిత శాఖ అధికారులు, ప్రజాప్రతినిధులు మరియు గ్రామస్థులు పాల్గొన్నారు.
Admin
DNB News
మరిన్ని వార్తలు
Developed By :
