మాజీ మంత్రి ముద్రగడను మర్యాద పూర్వకంగా కలిసిన మాజీ స్పీకర్ తమ్మినేని
DNB News - ఆంధ్రప్రదేశ్ / : కూటమి ప్రభుత్వ ప్రతీకార రాజకీయ చర్యల నేపథ్యంలో సెంట్రల్ జైల్ రిమాండ్‌లో ఉన్న మాజీ మంత్రి అంబటి రాంబాబు ను పరామర్శించేందుకు రాజమండ్రికి బయలుదేరిన మాజీ స్పీకర్ తమ్మినేని సీతారాం.ఈ సందర్భంగా ఉమ్మడి తూర్పుగోదావరి జిల్లాలోని కిర్లంపూడిలో సీనియర్ రాజకీయ నాయకుడు, ప్రజానేత ముద్రగడ పద్మనాభం ఆహ్వానం మేరకు తమ్మినేని సీతారాం ఆయన నివాసానికి విచ్చేశారు. అక్కడ ముద్రగడ ప్రత్యేకంగా అల్పాహారం ఏర్పాటు చేసి సాదరంగా ఆతిథ్యం అందించారు. సుమారు నాలుగున్నర దశాబ్దాల క్రితం ఉమ్మడి ఆంధ్రప్రదేశ్ రాజకీయాల్లో నెలకొన్న హుందాతనం, విలువలతో కూడిన ప్రజాసేవ, అప్పటి రాజకీయ నైతికత వంటి అంశాలను ఈ సందర్భంగా ఇరువురు సీనియర్ నేతలు స్మరించుకున్నారు. ప్రజల సమస్యల పరిష్కారమే రాజకీయాల లక్ష్యంగా ఉండేదని, వ్యక్తిగత విద్వేషాలు, ప్రతీకార భావాలు అప్పటి రాజకీయాల్లో అరుదుగా కనిపించేవని వారు గుర్తుచేశారు. ప్రస్తుత రాజకీయ పరిస్థితుల్లో పెరుగుతున్న పగలు, ప్రతీకార చర్యలు ప్రజాస్వామ్యానికి ముప్పు కలిగిస్తున్నాయని వారు ఆవేదన వ్యక్తం చేశారు. ప్రజాస్వామ్య పరిరక్షణ కోసం అధికారంలో ఉన్న పార్టీలు ప్రతీకార రాజకీయాలకు స్వస్తి పలకాలని, ప్రజా సంక్షేమం ప్రధాన ధ్యేయంగా ముందుకు సాగాలని ఈ ఇద్దరు సీనియర్ నేతలు హితవు పలికారు. ఈ కార్యక్రమంలో తమ్మినేని తో పాటు రాష్ట్ర కార్యదర్శి దుంపల లక్ష్మణరావు, రాష్ట్ర ఇంటలెక్చువల్ కార్యదర్శి పిల్లల రామకృష్ణ హెచ్చర్ల జడ్పీటీసీ సనపల నారాయణరావు కొత్తూరు మాజీ పి ఏ సి ఎస్ అధ్యక్షులు చింతాడ సూర్యనారాయణ తదితరులు పాల్గొన్నారు
Admin
DNB News
మరిన్ని వార్తలు
Developed By :
