బంగారు వ్యాపారుల మోసాలపై చర్యలు తప్పవు – బాధితులకు న్యాయం చేస్తాం : ఎమ్మెల్యే పార్థసారథి..
DNB News - ఆంధ్రప్రదేశ్ / : ఆదోని పట్టణంలో కొందరు బంగారు వ్యాపారులు అమాయక ప్రజలను మోసం చేస్తున్నారనే ఆరోపణలపై కౌతాళం మండలం తోవి గ్రామానికి చెందిన దేవేంద్రప్ప మంగళవారం ఎమ్మెల్యే పీవీ పార్థసారథిని కలిశారు. ఈ సందర్భంగా జరిగిన ఘటనల వివరాలను ఆయన ఎమ్మెల్యేకు వివరించారు. బంగారు వ్యాపారుల మోసాలకు తాము తీవ్రంగా నష్టపోయామని, పోలీస్ స్టేషన్‌లో ఫిర్యాదు చేసినప్పటికీ ఇప్పటివరకు సరైన స్పందన లేదని దేవేంద్రప్ప ఆవేదన వ్యక్తం చేశారు. ఈ విషయంపై స్పందించిన ఎమ్మెల్యే పీవీ పార్థసారథి మాట్లాడుతూ అమాయక రైతులు, పేద ప్రజలను మోసం చేసే వారిని ఎట్టి పరిస్థితుల్లోనూ సహించబోమని హెచ్చరించారు. ఈ ఘటనపై పూర్తిస్థాయిలో విచారణ జరిపించి బాధితులకు న్యాయం చేయడానికి చర్యలు తీసుకుంటామని హామీ ఇచ్చారు. అదేవిధంగా బాధితుల సమస్యను అధికారుల దృష్టికి తీసుకెళ్లి, బాధ్యులపై చట్టపరమైన చర్యలు తీసుకునేలా చూస్తామని ఎమ్మెల్యే తెలిపారు
Admin
DNB News
మరిన్ని వార్తలు
Developed By :
