యువతకు క్రీడల్లో ప్రోత్సాహం.. ఆదోనిలో ఉచిత కబడ్డీ సమ్మర్ ట్రైనింగ్ సెంటర్ ప్రారంభం..
DNB News - ఆంధ్రప్రదేశ్ / : ఆదోని పట్టణంలోని అరుణ్ జ్యోతి నగర్ సమీపంలో ఫిలిప్స్ ఆధ్వర్యంలో ఏర్పాటు చేసిన ఉచిత కబడ్డీ సమ్మర్ ట్రైనింగ్ సెంటర్ మరియు కబడ్డీ కోర్టును నిన్న టిడిపి యువ నాయకులు కొంకా సిద్ధార్థ నాయుడు ఘనంగా ప్రారంభించారు. ఈ సందర్భంగా ఆయన మాట్లాడుతూ యువత క్రీడల వైపు ముందుకు రావాలని, కబడ్డీ వంటి గ్రామీణ క్రీడలను ప్రోత్సహించడం ఎంతో అవసరమని తెలిపారు. గ్రామీణ స్థాయిలో ప్రతిభ కలిగిన యువకులకు ఇలాంటి శిక్షణా కేంద్రాలు మంచి అవకాశాలను కల్పిస్తాయని పేర్కొన్నారు. ఉచితంగా నిర్వహిస్తున్న ఈ ట్రైనింగ్ సెంటర్ ద్వారా యువకులకు నైపుణ్యపూర్వక శిక్షణ అందించనున్నట్లు నిర్వాహకులు తెలిపారు. వేసవి సెలవులను సద్వినియోగం చేసుకుంటూ యువత క్రీడల్లో రాణించాలని ఆకాంక్షించారు. ఈ కార్యక్రమంలో స్థానిక యువత, క్రీడాభిమానులు, పలువురు టిడిపి నాయకులు పాల్గొన్నారు. కబడ్డీ సమ్మర్ క్యాంపు నిర్వహకులు అమర్ ప్రకాష్, భూపతి, నాగరాజ్, తాయన్న, నారాయణ, ఈరన్న, రాము, గోవిందు, వెంకటేష్ తదితరులు పాల్గొన్నారు.
Admin
DNB News
మరిన్ని వార్తలు
Developed By :
