విజిబుల్ పోలీసింగ్తో ప్రజల భద్రతకు భరోసా – కర్నూల్ ఎస్పీ ఆదేశాలు..
DNB News - ఆంధ్రప్రదేశ్ / : విజిబుల్ పోలీసింగ్ను బలోపేతం చేయాలని జిల్లా పోలీసులకు కర్నూల్ ఎస్పీ విక్రాంత్ పాటిల్ ఐపీఎస్ ఆదేశించారు. జిల్లాలో ప్రజల భద్రత, శాంతిభద్రతల పరిరక్షణ కోసం కర్నూల్ ఎస్పీ ఆదేశాల మేరకు పోలీసులు ‘విజిబుల్ పోలీసింగ్’ కార్యక్రమాన్ని విస్తృతంగా నిర్వహిస్తున్నారు. ఈ కార్యక్రమం ద్వారా పోలీసులు ప్రజలకు మరింత చేరువవుతూ నేరాలను నియంత్రించడం, రహదారి భద్రతపై అవగాహన కల్పించడం వంటి చర్యలు చేపడుతున్నారు. వాహనాల తనిఖీలు: అనుమానాస్పద వాహనాలను క్షుణ్ణంగా తనిఖీ చేస్తూ, నిషేధిత వస్తువులు, గంజాయి వంటి అక్రమ రవాణాను అరికట్టేందుకు గట్టి చర్యలు తీసుకుంటున్నారు. సైబర్ నేరాలపై అవగాహన: ప్రజలు సైబర్ నేరాల బారిన పడకుండా ఉండేందుకు తెలియని లింకులను క్లిక్ చేయవద్దని, వ్యక్తిగత సమాచారాన్ని అపరిచితులతో పంచుకోవద్దని సూచిస్తూ అవగాహన కల్పిస్తున్నారు. రహదారి భద్రత నిబంధనలు: ద్విచక్ర వాహనదారులు తప్పనిసరిగా హెల్మెట్ ధరించాలని, కార్ డ్రైవర్లు సీటుబెల్టు పెట్టుకోవాలని స్పష్టం చేస్తూ ప్రమాదాల నివారణకు కృషి చేస్తున్నారు. నియమాల ఉల్లంఘనలపై చర్యలు: మైనర్ డ్రైవింగ్, సెల్ఫోన్ డ్రైవింగ్, డ్రంకెన్ డ్రైవింగ్ వంటి ప్రమాదకర చర్యలకు పాల్పడిన వారిపై కఠిన చర్యలు తీసుకుంటామని హెచ్చరిస్తున్నారు. ఆటోలలో పరిమితికి మించి ప్రయాణికులను ఎక్కించుకుంటే కూడా చర్యలు తప్పవని తెలిపారు. ప్రజలు భద్రతకు సంబంధించిన ఏవైనా సమస్యలు ఎదుర్కొంటే వెంటనే స్థానిక పోలీసులకు లేదా డయల్ 112, డయల్ 100కు సమాచారం ఇవ్వాలని సూచించారు. జిల్లా పోలీసు కార్యాలయం, కర్నూలు
Admin
DNB News
మరిన్ని వార్తలు
Developed By :
