ఉచిత బస్సు ప్రయాణ పథకానికి కృతజ్ఞతగా నేతల చిత్రపటాలకు పాలాభిషేకం..
DNB News - ఆంధ్రప్రదేశ్ / : ఆంధ్రప్రదేశ్ రాష్ట్ర ప్రభుత్వం దివ్యాంగుల కోసం ప్రవేశపెట్టిన ఉచిత బస్సు ప్రయాణ సౌకర్యానికి కృతజ్ఞతగా నేడు ఎమ్మిగనూరులో కూటమి పార్టీ నాయకులు మరియు దివ్యాంగులు కలిసి భారత ప్రధానమంత్రి నరేంద్ర మోడీ , రాష్ట్ర ముఖ్యమంత్రి చంద్రబాబు నాయుడు , ఉప ముఖ్యమంత్రి పవన్ కళ్యాణ్ మరియు మంత్రి నారా లోకేష్ చిత్రపటాలకు పాలాభిషేకం నిర్వహించారు. ఈ సందర్భంగా నాయకులు మాట్లాడుతూ దివ్యాంగుల సంక్షేమాన్ని దృష్టిలో పెట్టుకుని అమలు చేసిన ఉచిత బస్సు ప్రయాణ పథకం ద్వారా రాష్ట్రంలోని వేలాది మంది దివ్యాంగులకు ఆర్థిక భారం తగ్గిందని తెలిపారు. విద్య, ఉపాధి, వైద్య సేవలకు సులభంగా చేరుకునే అవకాశం కలుగుతోందని, ప్రతి నెల ప్రయాణ ఖర్చులపై గణనీయమైన ఆదా కలిగి వారి జీవన ప్రమాణాలు మెరుగుపడుతున్నాయని పేర్కొన్నారు. ఈ కార్యక్రమంలో రాష్ట్ర కుర్నీ కార్పొరేషన్ ఛైర్మన్, టీడీపీ ఎమ్మిగనూరు పట్టణ కమిటీ సభ్యులు, రాష్ట్ర వికలాంగుల ఫోరం అధ్యక్షులు, జనసేన, బీజేపీ నాయకులు, కోఆపరేటివ్ టౌన్ బ్యాంక్ వైస్ చైర్మన్, రాష్ట్ర DEF అధ్యక్షులు, దివ్యాంగులు మరియు ఇతర నాయకులు పాల్గొన్నారు.
Admin
DNB News
మరిన్ని వార్తలు
Developed By :
