డ్రంక్ అండ్ డ్రైవ్‌కి కఠిన శిక్షలు ఆదోనిలో ఇద్దరికి జైలు శిక్ష విధింపు.*
DNB News - ఆంధ్రప్రదేశ్ / : ఆదోని పట్టణంలో డ్రంక్ అండ్ డ్రైవ్‌పై పోలీసులు కఠినంగా వ్యవహరించారు. ఆదోని 2 టౌన్ సీఐ ఎన్. రాజశేఖర్ రెడ్డి ఆధ్వర్యంలో ఎస్సై జి. రామ్ నాథ్ నిర్వహించిన డ్రంక్ అండ్ డ్రైవ్ తనిఖీలలో ఇద్దరు వ్యక్తులు మద్యం సేవించి వాహనం నడుపుతూ పట్టుబడ్డారు. వివరాల్లోకి వెళ్తే… వెంకటాద్రి (S/o రంగప్ప, వయస్సు 50 సంవత్సరాలు), జీనం వండ్లపల్లి గ్రామం, గోరంట్ల మండలం, సత్యసాయి జిల్లా నివాసి మద్యం సేవించి వాహనం నడిపినందుకు కేసు నమోదు చేయగా, ఆదోని I అడిషనల్ జేఎఫ్‌సిఎం కోర్టు ఆయనకు 20 రోజుల జైలు శిక్ష విధించింది. అదేవిధంగా చాకలి నాగేంద్ర (S/o బాలు), పెరవలి గ్రామం, అనంతపురం జిల్లా నివాసికి 15 రోజుల జైలు శిక్ష విధించినట్లు పోలీసులు తెలిపారు. కోర్టు ఆదేశాల మేరకు ఈ ఇద్దరు ముద్దాయిలను తేదీ: 09.02.2026 నాడు ఆదోని సబ్ జైలుకు తరలించినట్లు పోలీసులు వెల్లడించారు. మద్యం సేవించి వాహనం నడపడం ప్రాణాలకు ముప్పు అని, ఇలాంటి చర్యలపై ఇకపై మరింత కఠిన చర్యలు తీసుకుంటామని ఆదోని పోలీసులు హెచ్చరించారు.
Admin
DNB News
మరిన్ని వార్తలు
Developed By :
