చేనేత & పవర్లూమ్ రంగాలకు ప్రభుత్వం అండ – ఉచిత విద్యుత్ పథకం లబ్ధిదారులకు ధృవపత్రాల పంపిణీ..
DNB News - ఆంధ్రప్రదేశ్ / : కలెక్టరేట్లో చేనేత కుటుంబాలు మరియు పవర్ లూమ్ యూనిట్లకు రాష్ట్ర ప్రభుత్వం అమలు చేస్తున్న ఉచిత విద్యుత్ పథకం కింద లబ్ధిదారులకు ధృవపత్రాలను జిల్లా కలెక్టర్ డా. ఏ. సిరి పంపిణీ చేశారు. ఈ సందర్భంగా కలెక్టర్ మాట్లాడుతూ, చేనేత మరియు పవర్లూమ్ రంగాల అభివృద్ధికి ప్రభుత్వం ప్రాధాన్యతనిస్తూ ఈ పథకాన్ని అమలు చేస్తున్నట్లు తెలిపారు. చేనేత కుటుంబాలకు నెలకు 200 యూనిట్ల వరకు, పవర్లూమ్ యూనిట్లకు నెలకు 500 యూనిట్ల వరకు ఉచిత విద్యుత్ అందించడం ద్వారా వారి ఆర్థిక భారం తగ్గించి, ఉపాధి అవకాశాలను మెరుగుపరచడం లక్ష్యమని పేర్కొన్నారు. ఈ పథకం ద్వారా వేలాది కుటుంబాలు లబ్ధి పొందుతున్నాయని, చేనేత రంగానికి మరింత ప్రోత్సాహం లభిస్తుందని చెప్పారు. అర్హులైన ప్రతి ఒక్కరూ ఈ అవకాశాన్ని వినియోగించుకోవాలని సూచించారు. ఈ కార్యక్రమంలో సంబంధిత అధికారులు, చేనేత కార్మికులు మరియు పవర్లూమ్ యూనిట్ యజమానులు పాల్గొన్నారు.
Admin
DNB News
మరిన్ని వార్తలు
Developed By :
