సైనిక్ స్కూల్ ప్రవేశ పరీక్షలో ప్రతిభ కనబర్చిన విద్యార్థులకు జేసీ అభినందనలు..
DNB News - ఆంధ్రప్రదేశ్ / : సైనిక్ స్కూల్ ప్రవేశ పరీక్ష–2026లో ఉత్తమ మార్కులు సాధించిన విద్యార్థులను జాయింట్ కలెక్టర్ నూరుల్ ఖమర్ అభినందించారు. గురువారం కలెక్టరేట్ కార్యాలయంలో నిర్వహించిన కార్యక్రమంలో సైనిక్ స్కూల్ ప్రవేశ పరీక్షలో ప్రతిభ కనబర్చిన విద్యార్థులను జాయింట్ కలెక్టర్ ప్రత్యేకంగా అభినందించి, వారి విజయానికి శుభాకాంక్షలు తెలిపారు. ఈ సందర్భంగా జాయింట్ కలెక్టర్ మాట్లాడుతూ విద్యార్థులు కష్టపడి చదివి దేశ సేవలో భాగస్వాములు కావాలని సూచించారు. క్రమశిక్షణ, పట్టుదలతో శ్రమించి సైనిక్ స్కూల్ ప్రవేశ పరీక్షలో ఉత్తమ ర్యాంకులు సాధించడం అభినందనీయమన్నారు. సైనిక్ స్కూళ్లలో లభించే శిక్షణను సద్వినియోగం చేసుకుని భవిష్యత్తులో దేశ రక్షణలో కీలక పాత్ర పోషించాలని ఆకాంక్షించారు. జిల్లాలోని మరింత మంది విద్యార్థులు ఇలాంటి ప్రతిష్టాత్మక విద్యాసంస్థల్లో చేరేందుకు ఈ విజయం స్ఫూర్తిగా నిలుస్తుందని పేర్కొన్నారు.
Admin
DNB News
మరిన్ని వార్తలు
Developed By :
