పాత్రికేయ సంఘాలు పాలకుల పక్షం కారాదు జర్నలిస్టుల సమస్యలపై పోరాటమే లక్ష్యం
DNB News - తెలంగాణ / : పాత్రికేయ సంఘాలు పాలకుల పక్షం కారాదు జర్నలిస్టుల సమస్యలపై పోరాటమే లక్ష్యం టీడబ్ల్యూజేఎఫ్ రాష్ట్ర కన్వీనర్ మామిడి సోమయ్ జిల్లా అధ్యక్షుడిగా పాల్వాయి జానయ్య ఎన్నిక జర్నలిస్టుల సమస్యలపై పోరాడాల్సిన పాత్రికేయ సంఘాలు అధికార పదవుల కోసం పాలక పక్షాలకు అమ్ముడుపోతున్నాయని తెలంగాణ వర్కింగ్ జర్నలిస్ట్స్ ఫెడరేషన్ రాష్ట్ర కన్వీనర్ మామిడి సోమయ్య విమర్శించారు. జర్నలిస్టు సంఘాలు ప్రజల పక్షాన నిలవాలే తప్ప పాలకుల పక్షాన ఉండరాదని అన్నారు. సూర్యాపేటలో నిర్వహించిన టీడబ్ల్యూజేఎఫ్ జిల్లా నాలుగో మహాసభలో మాట్లాడిన ఆయన, జర్నలిస్టుల పట్ల ప్రభుత్వం తీవ్ర వివక్ష చూపుతోందని, ఈ వైఖరిని సమిష్టిగా ప్రతిఘటించాలని పిలుపునిచ్చారు. ప్రభుత్వం ఏర్పడి రెండేళ్లు గడిచినా అక్రెడిటేషన్, హెల్త్ కార్డులు, ఇండ్ల స్థలాల వంటి సమస్యలను పరిష్కరించలేదని విమర్శించారు. జర్నలిస్టుల సమస్యలపై నిజమైన పోరాటం చేస్తున్న ఏకైక సంఘం టీడబ్ల్యూజేఎఫ్ మాత్రమేనని స్పష్టం చేసిన సోమయ్య, సమస్యలను వెంటనే పరిష్కరించకపోతే రాష్ట్రవ్యాప్తంగా ఆందోళనలు తప్పవని హెచ్చరించారు.ఈ మహాసభలో టీడబ్ల్యూజేఎఫ్ సూర్యాపేట జిల్లా అధ్యక్షుడిగా పాల్వాయి జానయ్య ఎన్నికయ్యారు. నూతన కమిటీ సభ్యులను జర్నలిస్టులు అభినందించారు.
Admin
DNB News
మరిన్ని వార్తలు
Developed By :
