హైదరాబాద్ నగరంలో నకిలీ టీ పొడి, సర్ఫ్ పొడి మరియు గుడ్ నైట్ రీఫిల్స్ విక్రయిస్తున్న ముగ్గురు అరెస్టు
DNB News - తెలంగాణ / : హైదరాబాద్ నగరంలో నకిలీ టీ పొడి, సర్ఫ్ పొడి మరియు గుడ్ నైట్ రీఫిల్స్ విక్రయిస్తున్న ముగ్గురు వ్యక్తులను సీసీఎస్ స్పెషల్ క్రైమ్ టీమ్ పోలీసులు అరెస్టు చేశారు. 02-03-2026 తేదీన వచ్చిన విశ్వసనీయ సమాచారం ఆధారంగా సీసీఎస్, డిటెక్టివ్ డిపార్ట్మెంట్ ప్రత్యేక క్రైమ్ టీమ్, గోషామహల్ మరియు అఫ్జల్గంజ్ పోలీసులతో కలిసి సంయుక్తంగా దాడులు నిర్వహించి ముగ్గురు నిందితులను పట్టుకున్నారు. వారి వద్ద భారీ మొత్తంలో నకిలీ బ్రాండెడ్ సరుకులు స్వాధీనం చేసుకున్నారు. అరెస్టైన నిందితుల వివరాలు: 1. జయ రామ్ (30), వృత్తి – వ్యాపారం, నివాసం – జిన్సీ చౌరాహి, బేగంబజార్, హైదరాబాద్. స్వస్థలం – అజ్మేర్ జిల్లా, రాజస్థాన్ రాష్ట్రం. 2. కచ్ఛవా సురేందర్ (34), వృత్తి – వ్యాపారం, నివాసం – దుల్లపల్లి గ్రామం, కుత్బుల్లాపూర్, హైదరాబాద్. స్వస్థలం – నాగౌర్ జిల్లా, రాజస్థాన్ రాష్ట్రం. 3. హనుమాన్ రామ్ (21), వృత్తి – వ్యాపారం, నివాసం – సంజాతా గ్రామం, బార్మేర్ జిల్లా, రాజస్థాన్ రాష్ట్రం. స్వాధీనం చేసుకున్న నకిలీ సరుకులు: 1340 ప్యాకెట్ల నకిలీ రెడ్ లేబుల్ టీ పొడి 100 ప్యాకెట్ల నకిలీ తాజ్ మహల్ టీ పొడి 950 ప్యాకెట్ల నకిలీ టైడ్ సర్ఫ్ పొడి 100 ప్యాకెట్ల నకిలీ ఏరియల్ సర్ఫ్ పొడి 300 ప్యాకెట్ల నకిలీ వీల్ సర్ఫ్ పొడి 550 ప్యాకెట్ల నకిలీ సర్ఫ్ ఎక్సెల్ పొడి 3600 నకిలీ గుడ్ నైట్ దోమల నివారణ రీఫిల్స్ (45 మిల్లీ లీటర్) 9500 నకిలీ లేబుల్ ప్యాకింగ్ కవర్లు (రెడ్ లేబుల్, జెమినీ టీ) 75 కిలోల ముడి టీ పొడి కేసు వివరాలు: నిందితులు గుజరాత్ రాష్ట్రం నుండి తక్కువ నాణ్యత గల ముడి సరుకులు మరియు నకిలీ బ్రాండెడ్ ప్యాకింగ్ కవర్లు తక్కువ ధరలకు కొనుగోలు చేసి, వాటిని అసలు బ్రాండ్ల పేరుతో ప్యాక్ చేసి గోషామహల్, అఫ్జల్గంజ్, బేగంబజార్ తదితర ప్రాంతాలలోని రిటైల్ మరియు హోల్సేల్ దుకాణాలకు సరఫరా చేస్తున్నట్లు పోలీసులు తెలిపారు. అసలు వస్తువులుగా చూపిస్తూ భారీ తగ్గింపుతో విక్రయిస్తూ వినియోగదారులను మోసం చేస్తున్నారు. ఈ దాడులను స్పెషల్ క్రైమ్ టీమ్ ఇన్స్పెక్టర్ శ్రీ డి. భిక్షపతి గారి ఆధ్వర్యంలో, ఏసీపీ శ్రీ జి. వెంకటేశ్వర్ రెడ్డి పర్యవేక్షణలో నిర్వహించారు. అనంతరం నిందితులను గోషామహల్ మరియు అఫ్జల్గంజ్ పోలీస్ స్టేషన్లకు అప్పగించి తదుపరి చర్యలు చేపట్టారు. పోలీసుల సూచన: వినియోగదారులు గృహోపకరణ వస్తువులు కొనుగోలు చేసే ముందు వాటిపై ఉన్న క్యూ ఆర్ కోడ్ను పరిశీలించి అవి అసలైనవేనా అని నిర్ధారించుకోవాలని పోలీసులు సూచించారు. – డిప్యూటీ కమిషనర్ ఆఫ్ పోలీస్, సీసీఎస్, డీడీ, హైదరాబాద్ సిటీ
Admin
DNB News
మరిన్ని వార్తలు
Developed By :
