హైదరాబాద్లో హోలీ సందర్భంగా భాంగ్ విక్రయాలపై దాడులు – 6 మంది అరెస్ట్
DNB News - తెలంగాణ / : హోలీ వేడుకల సందర్భంగా హైదరాబాద్ నగరంలో గంజాయి మిశ్రమంతో తయారు చేసిన భాంగ్ విక్రయాలపై స్పెషల్ టాస్క్ ఫోర్స్ (STF) మరియు ఎక్సైజ్ శాఖ అధికారులు సంయుక్తంగా దాడులు నిర్వహించారు. బేగంబజార్, ధూల్‌పేట్ ప్రాంతాల్లో చేపట్టిన ఈ ఆపరేషన్‌లో మూడు కేసులు నమోదు చేసి, ఆరుగురిని అరెస్ట్ చేశారు. మొత్తం 2.622 కిలోల భాంగ్ స్వాధీనం చేసుకున్నారు. విశ్వసనీయ సమాచారం మేరకు ఎస్టీఎఫ్ ‘A’ టీమ్, ప్రొహిబిషన్ & ఎక్సైజ్ స్టేషన్ ధూల్‌పేట్ సిబ్బందితో కలిసి ఆకస్మిక దాడులు నిర్వహించింది. గంజాయి కలిపి భాంగ్ తయారు చేసి విక్రయిస్తున్నట్లు గుర్తించి NDPS చట్టం కింద కేసులు నమోదు చేశారు. కేసుల వారీగా వివరాలు: కేసు – 1: 860 గ్రాముల భాంగ్ స్వాధీనం. నిందితులు: చింతామణి చందన్ సింగ్ (43), సాహిల్ సింగ్ (20) – బేగంబజార్ ప్రాంతం. కేసు – 2: 812 గ్రాముల భాంగ్ స్వాధీనం. నిందితులు: భగత్ రాజ్ నందన్ యాదవ్ (31) – బేగంబజార్, నాంపల్లి; మహేష్ చంద్ర శర్మ (54) – అఘాపురా, సీతారాంబాగ్. కేసు – 3: 950 గ్రాముల భాంగ్ స్వాధీనం. నిందితులు: సాగర్ శర్మ (41) – ఊంట్వాడి, బేగంబజార్; అజయ్ శర్మ (43) – జుమ్మెరాత్ బజార్. హోలీ వేడుకల సమయంలో మాదకద్రవ్యాల విక్రయాలను అరికట్టేందుకు ప్రత్యేక పర్యవేక్షణ కొనసాగుతుందని అధికారులు తెలిపారు. మాదక ద్రవ్యాల కొనుగోలు, వినియోగం చట్ట విరుద్ధమని, ఇలాంటి కార్యకలాపాలపై కఠిన చర్యలు తీసుకుంటామని హెచ్చరించారు.
Admin
DNB News
మరిన్ని వార్తలు
Developed By :
