నిరాడంబరంగా మంత్రి పొంగులేటి పుట్టినరోజు ఎల్‌నినో నేపథ్యంలో ఆడంబ‌రాలకు దూరం
DNB News - తెలంగాణ / : హైదరాబాద్: రాష్ట్రంలో ఎల్‌నినో ప్రభావంతో నెలకొన్న కరువు పరిస్థితుల నేపథ్యంలో రాష్ట్ర రెవెన్యూ, హౌసింగ్, సమాచార పౌరసంబంధాల శాఖ మంత్రి పొంగులేటి శ్రీనివాసరెడ్డి గారు బుధ‌వారం తన పుట్టినరోజు వేడుకలను అత్యంత నిరాడంబరంగా జ‌రుపుకున్నారు. రాష్ట్రంలో నెలకొన్న కరువు పరిస్థితులు, ప్రజలు ఎదుర్కొంటున్న ఇబ్బందులను దృష్టిలో ఉంచుకొని మంత్రిగారు ఈ నిర్ణయం తీసుకున్నారు. ఉద‌యం గౌర‌వ ముఖ్యమంత్రి రేవంత్ రెడ్డి గారిని మంత్రిగారు మర్యాదపూర్వకంగా క‌లిశారు. ఈసంద‌ర్బంగా సిఎం రేవంత్‌రెడ్డి గారు శుభాకాంక్షలు తెలిపారు.శాలువా, పుష్ప‌గుచ్చంతో స‌త్క‌రించారు. ఈ కార్యక్రమంలో మంత్రి వాకిటి శ్రీ‌హ‌రి కూడా పాల్గొని మంత్రి పొంగులేటికి జన్మదిన శుభాకాంక్షలు తెలిపారు. . తన పుట్టినరోజు సందర్భంగా ఎక్కడా ఎలాంటి ఆర్భాటాలు, వేడుకలు నిర్వహించవద్దని, అనవసర ఖర్చులకు దూరంగా ఉండాలని ఇప్ప‌టికే మంత్రి గారు ముంద‌స్తుగా విజ్ఞప్తి చేశారు. ప్రస్తుత పరిస్థితుల్లో ప్రజల ఇబ్బందులను దృష్టిలో ఉంచుకొని సంయమనం పాటించాలని, తన పుట్టినరోజును నిరాడంబరంగా గడపాలని నిర్ణయించుకున్నట్లు మంత్రి స్పష్టం చేయడమే గాక ఆచ‌ర‌ణ‌లో చూపించారు.
Admin
DNB News
మరిన్ని వార్తలు
Developed By :
