అశ్వారావుపేట మునిసిపల్ లో 11 వార్డుల యుద్ధం సిద్ధాంతాల కంటే 'సీట్ల'కే పెద్దపీట
DNB News - తెలంగాణ / : అశ్వారావుపేట రాజకీయం ఇప్పుడు ఒక రసవత్తర మలుపులో ఉంది. భద్రాద్రి కొత్తగూడెం జిల్లా అశ్వరావుపేట,మున్సిపాలిటీ పీఠంపై జెండా పాతాలని తహతహలాడుతున్న పార్టీలకు 'అంతర్గత పోరు' ఒకవైపు, 'పొత్తుల సందిగ్ధత' మరోవైపు సవాలుగా మారాయి. అధికార కాంగ్రెస్ పార్టీలో మంత్రి వర్గీయులకు, పాత కాంగ్రెస్ నేతలకు మధ్య జరుగుతున్న '11 వార్డుల యుద్ధం' కేవలం సీట్ల గొడవ మాత్రమే కాదు, అది ఉనికి చాటుకునే పోరాటం. పాత తరం నాయకులను విస్మరిస్తే ఎదురయ్యే పరిణామాలు ఎలా ఉంటాయో గత ఎన్నికలు పాఠాలు నేర్పినప్పటికీ, ఆధిపత్య పోరు మాత్రం తగ్గడం లేదు. మరోవైపు, ప్రతిపక్షాల పరిస్థితి 'శత్రువుకు శత్రువు మిత్రుడు' అన్న చందంగా మారింది. బలమైన కాంగ్రెస్‌ను ఢీకొట్టేందుకు సిద్ధాంతాలను పక్కనబెట్టి బిఆర్ఎస్, టిడిపి, జనసేన, బిజెపి లు ఏకతాటిపైకి వస్తాయా అన్నది వేచి చూడాలి. వీటన్నింటి మధ్య తెలంగాణ రాష్ట్రీయ లోక్ దళ్ పార్టీ ఎంట్రీ కొత్త సమీకరణాలకు తెరలేపింది. రాజకీయాలు అంటే కేవలం పార్టీలు మాత్రమే కాదు, ఒక వ్యక్తిని లేదా ఒక వర్గాన్ని అడ్డుకోవడానికి పార్టీలకు అతీతంగా నాయకులు ఏకం కావడం ఇక్కడ విశేషం. ఈ 'స్ట్రాటజిక్ ఓటింగ్' లేదా 'సీక్రెట్ అలయన్స్' అశ్వారావుపేట భవిష్యత్తును ఎలా మారుస్తుందో చూడాలి. ఇది కేవలం ఎన్నిక కాదు, అశ్వారావుపేట రాజకీయ భవిష్యత్తును నిర్ణయించే అగ్నిపరీక్ష. అశ్వారావుపేట మున్సిపల్ సమరం - 2026 ఎవరిది పైచేయి? ఎవరిది వ్యూహం? కాంగ్రెస్ గ్రూపు రాజకీయాల గుప్పిట్లో హస్తం.. పాత-కొత్త నేతల మధ్య వార్డుల యుద్ధం బిఆర్ఎస్ పొత్తుల కోసం పావులు. టిడిపి, జనసేనతో దోస్తీ కుదిరేనా? జనసేన - బిజెపి సత్తా చాటేందుకు సిద్ధమవుతున్న శ్రేణులు ఒక బలమైన వర్గానికి వ్యతిరేకంగా ఏకమవుతున్న విపక్షాలు రాజకీయ రంగుల విందు.. అశ్వారావుపేట ఎన్నికల పొందు! నిర్ణయం ఓటరుదే.. తీర్పు ప్రజలదే!
Admin
DNB News
మరిన్ని వార్తలు
Developed By :
