హైదరాబాద్లో హత్య కుట్రను పోలీసులు భగ్నం చేశారు
DNB News - తెలంగాణ / : చార్మినార్ జోన్ టాస్క్ ఫోర్స్ పోలీసులు, అంబర్పేట్ పోలీసులతో కలిసి ముగ్గురు నిందితులను అరెస్ట్ చేశారు. పోలీసుల సమాచారం ప్రకారం, అంబర్పేట్ పరిధిలోని అలీ కేఫ్ క్రాస్ రోడ్ వద్ద ముగ్గురు వ్యక్తులు తుపాకీతో సంచరిస్తున్నట్లు సమాచారం అందడంతో పోలీసులు అక్కడికి చేరుకుని వారిని అదుపులోకి తీసుకున్నారు. వారి వద్ద నుంచి ఒక దేశీయ తయారీ తుపాకీ, ఆరు లైవ్ రౌండ్లు, ఒక మ్యాగజైన్ను స్వాధీనం చేసుకున్నారు. అలాగే ఒక ఎలక్ట్రిక్ స్కూటీ, మూడు మొబైల్ ఫోన్లను కూడా పోలీసులు స్వాధీనం చేసుకున్నారు. అరెస్టైన నిందితులు మల్కాజిగిరికి చెందిన రియల్ ఎస్టేట్ వ్యాపారి ధమరా అరుణ్ కుమార్, జవహర్ నగర్కు చెందిన పాన్ షాప్ నిర్వహిస్తున్న మహ్మద్ అబ్బు, యాకుత్పురాకు చెందిన విద్యార్థి మీర్ ముజమ్మిల్ అలీ ఖాన్గా పోలీసులు గుర్తించారు. పోలీసుల దర్యాప్తులో సంచలన విషయాలు వెలుగులోకి వచ్చాయి. ధమరా అరుణ్ కుమార్ తన రెండో భార్యపై అనుమానం పెంచుకుని ఆమెను హత్య చేయాలని కుట్ర పన్నినట్లు పోలీసులు తెలిపారు. ఆమెకు తన బంధువుతో అక్రమ సంబంధం ఉందని అనుమానంతో ఆమెను హత్య చేయాలని నిర్ణయించుకున్నట్లు వెల్లడించారు. దీంతో అరుణ్ కుమార్ గత సంవత్సరం నవంబర్లో మహ్మద్ అబ్బును సంప్రదించి తుపాకీ ఏర్పాటు చేయాలని కోరాడు. అబ్బు, మీర్ ముజమ్మిల్ అలీ ఖాన్ను పరిచయం చేయగా, ముజమ్మిల్ తుపాకీని ఏర్పాటు చేస్తానని చెప్పి ముందుగా 20 వేల రూపాయలు తీసుకున్నాడు. తర్వాత ఈ ఏడాది జనవరి మొదటి వారంలో ముజమ్మిల్ తన బంధువు సలామత్తో కలిసి బీహార్ రాష్ట్రంలోని ముంగేర్కు వెళ్లి తబీష్ అనే వ్యక్తి వద్ద నుంచి 35 వేల రూపాయలకు ఒక దేశీయ తుపాకీ, పది లైవ్ రౌండ్లు, రెండు మ్యాగజైన్లు కొనుగోలు చేసి హైదరాబాద్కు తీసుకువచ్చినట్లు పోలీసులు తెలిపారు. అనంతరం వాటిని అరుణ్ కుమార్కు ఇచ్చి ఒక లక్ష పది వేల రూపాయలు తీసుకున్నట్లు వెల్లడించారు. ఇటీవల అరుణ్ కుమార్ యాదాద్రి భువనగిరి జిల్లా తుర్కపల్లి మండలం గొల్లగూడెం గ్రామంలో ఉన్న తన వ్యవసాయ భూమిలో తుపాకీతో రెండు రౌండ్లు కాల్చి ప్రాక్టీస్ చేసినట్లు పోలీసులు తెలిపారు. ఆ సమయంలో ఒక మ్యాగజైన్ను అక్కడే కోల్పోయినట్లు వెల్లడైంది. తన రెండో భార్యను హత్య చేసేందుకు ప్రణాళికలు సిద్ధం చేస్తూ అంబర్పేట్లో సమావేశమైన సమయంలో పోలీసులు దాడి చేసి ముగ్గురినీ అరెస్ట్ చేసినట్లు తెలిపారు. ఈ కేసులో తబీష్, సలామత్ అనే ఇద్దరు వ్యక్తులు పరారీలో ఉన్నారని పోలీసులు వెల్లడించారు. కేసు నమోదు చేసి దర్యాప్తు కొనసాగిస్తున్నారు.
Admin
DNB News
మరిన్ని వార్తలు
Developed By :
