పత్తికొండలో OHSR ట్యాంక్ పరిశీలన – నీటి నాణ్యతపై ప్రత్యేక దృష్టి పెట్టిన జిల్లా కలెక్టర్ డా. ఏ. సిరి...
DNB News - తెలంగాణ / : పత్తికొండ మండల కేంద్రంలోని మార్కెట్ యార్డ్ సమీపంలో ఉన్న OHSR (Over Head Service Reservoir) ట్యాంక్‌ను జిల్లా కలెక్టర్ డాక్టర్ ఏ. సిరి గారు మంగళవారం పరిశీలించారు. ఈ సందర్భంగా ట్యాంక్‌లో నిల్వ ఉన్న తాగునీటి నాణ్యతపై ప్రత్యేకంగా దృష్టి సారించారు. నీటిలో క్లోరిన్ స్థాయిలను పరీక్షిస్తున్న విధానాన్ని కలెక్టర్ స్వయంగా పరిశీలించి, అధికారులు పాటిస్తున్న ప్రమాణాలను గురించి వివరాలు అడిగి తెలుసుకున్నారు. తాగునీరు ప్రజలకు సురక్షితంగా అందించేందుకు అవసరమైన అన్ని జాగ్రత్తలు తీసుకోవాలని సంబంధిత అధికారులకు ఆదేశించారు. అలాగే నీటి శుద్ధి ప్రక్రియలో ఎటువంటి నిర్లక్ష్యం చోటుచేసుకోకుండా క్రమం తప్పకుండా పరీక్షలు నిర్వహించాలని, ప్రజలకు అందుతున్న నీటి నాణ్యతను నిరంతరం పర్యవేక్షించాలని సూచించారు. వేసవి కాలాన్ని దృష్టిలో ఉంచుకొని తాగునీటి సరఫరా విషయంలో ఎలాంటి ఇబ్బందులు తలెత్తకుండా ముందస్తు చర్యలు తీసుకోవాలని అధికారులను ఆదేశించారు. ఈ కార్యక్రమంలో సంబంధిత శాఖల అధికారులు, సిబ్బంది పాల్గొన్నారు.
Admin
DNB News
మరిన్ని వార్తలు
Developed By :
