శాతవాహనలో “అగ్నిమాపక వారోత్సవాల అవగాహన కార్యక్రమం
DNB News - తెలంగాణ / : శాతవాహన విశ్వవిద్యాలయంలో ప్రగతి పథంలో తెలంగాణ అగ్నిమాపక శాఖ సంసిద్ధత అనే అంశంపై తెలంగాణ ఫైర్, డిజాస్టర్ రెస్పాన్స్, ఎమర్జెన్సీ & సివిల్ డిఫెన్స్ శాఖ, నిర్వహించిన అగ్నిమాపక భద్రత వారోత్సవాల లో భాగంగా డాక్టర్ బి.ఆర్ అంబేద్కర్ లైబ్రరీ ఆడిటోరియంలో విశ్వవిద్యాలయ రిజిస్ట్రార్ ఆచార్య సతీష్ కుమార్ ఆధ్వర్యంలో అవగాహన కార్యక్రమం జరగగా మాట్లాడుతూ అగ్ని ప్రమాదాలను నివారించడానికి భవిష్యత్తు ప్రణాళికతో ముందుకు వెళ్లాలని అందరూ సంసిద్ధులై ఉంటేనే ప్రమాదాలను నివారించవచ్చని తెలియజేశారు. ముఖ్యఅతిథిగా హాజరైన ఉపకులపతి ఆచార్య ఉమేష్ కుమార్ మాట్లాడుతూ మన విశ్వవిద్యాలయాన్ని అగ్ని ప్రమాదాల నుండి కాపాడుకోవడానికి మనమే నడుం బిగించుకోవాలని ప్రత్యేకంగా పర్యావరణాన్ని కాపాడుకోవడానికి వివిధ రకాల జంతువులను రక్షించడానికి ప్రమాదాల నివారణకు సంబంధించిన అవగాహన కార్యక్రమాలు ఏర్పాటు చేసుకోవాలని గత సంవత్సరం కొన్ని వన్యప్రాణులు కార్చిచ్చు వల్ల చనిపోవడం చాలా బాధ కలిగించిందని అందువల్లనే మిషన్ భగీరథ పైప్లైన్ సాయంతో విశ్వవిద్యాలయంలోని అన్ని ప్రధాన కళాశాలల వద్ద వాటర్ పాయింట్స్ పెట్టామని దీనివలన అగ్ని ప్రమాదాలను కొంతవరకు నివారించడం సులభమవుతుందని తెలియజేస్తూ రెండవ ఫైర్ స్టేషన్ ని కూడా కరీంనగర్లో ఏర్పాటు చేయడానికి ప్రతిపాదనలు పంపించామన్నారు. ప్రత్యేక అతిథిగా విచ్చేసిన జిల్లా ఫైర్ ఆఫీసర్ శ్రీనివాస రెడ్డి మాట్లాడుతూ విశ్వవిద్యాలయంలో వసతి గృహాలలో కానీ ప్రయోగశాలలో కానీ విద్యార్థులు చాలా అప్రమత్తంగా ఉండాలని ముందస్తు జాగ్రత్త తోనే మనం ప్రమాదాలను నివారించవచ్చని తెలియజేస్తూ భారతదేశంలో ప్రతిరోజు 35 మంది అగ్ని ప్రమాదాల బారిన పడి చనిపోతున్నారని అందులో 80% హానికరమైన పొగ రసాయనిక మిశ్రమాల వలన ఊపిరాడక చనిపోతున్నారని దీనిపై అవగాహన చాలా అవసరమని తెలియజేస్తూ వివిధ రకాల అగ్ని ప్రమాదాలకు సంబంధించిన జాగ్రత్తలను గురించి, వాటిని ఎదుర్కోవడానికి కావలసిన మెలకువలను గురించి చర్చించారు. ఈ కార్యక్రమంలోఅతిథులుగా డా. డి.హరికాంత్ ఓ ఎస్ డి టు వి సి, డా. ఎస్. రామకాంత్ సైన్స్ కళాశాల ప్రిన్సిపల్, డా. కె. పద్మావతి ఆర్ట్స్ లా కళాశాల ప్రిన్సిపల్ పాల్గొని ప్రమాదాల విపత్తు నివారణ కొరకు తీసుకోవలసిన జాగ్రత్తలు గురించి విద్యార్థులకు తెలియజేశారు. ఈ కార్యక్రమంలో సైన్స్ కళాశాల అధ్యాపకులు ఆర్ట్స్ కళాశాల అధ్యాపకులు కామర్స్ కళాశాల అధ్యాపకులతో పాటు మూడు కళాశాలల విద్యార్థిని విద్యార్థులు పాల్గొని అవగాహన పెంచుకున్నారు.
Admin
DNB News
మరిన్ని వార్తలు
Developed By :
