20 వేల లంచం.. లీగల్ మెట్రాలజీ ఇన్స్పెక్టర్, పెట్రోల్ బంక్ టెక్నీషియన్ అరెస్ట్..!"
DNB News - తెలంగాణ / : యాదాద్రి భువనగిరి జిల్లాకు చెందిన లీగల్ మెట్రాలజీ ఇన్‌స్పెక్టర్‌తో పాటు ఓ ప్రైవేట్ పెట్రోల్ బంక్ టెక్నీషియన్‌ను అక్టోబర్ 28న తెలంగాణ ఏసీబీ అరెస్ట్ చేసింది. పెట్రోల్ బంక్ వెరిఫికేషన్ సర్టిఫికెట్ జారీ, డైలీ సేల్స్ రిజిస్టర్ అప్పగించేందుకు రూ.20 వేల లంచం డిమాండ్ చేసినట్లు ఆరోపణలు వచ్చాయి. ఇన్స్పెక్టర్ సూచనల మేరకు హైదరాబాద్ ఎల్బీనగర్లో టెక్నీషియన్ లంచం తీసుకున్నట్లు ఏసీబీ గుర్తించింది. ఇందులో రూ.15 వేలు ఇన్‌స్పెక్టర్‌కు, రూ.5 వేలు టెక్నీషియన్‌కు చెందాల్సి ఉన్నట్లు వెల్లడించింది. ఇద్దరినీ న్యాయ రిమాండ్ కోసం ఏసీబీ కోర్టులో హాజరుపరుస్తున్నారు. లంచం డిమాండ్ చేస్తే ఏసీబీ టోల్‌ఫ్రీ నంబర్ 1064కు లేదా వాట్సాప్ 9440446106కు ఫిర్యాదు చేయవచ్చు. ఫిర్యాదుదారుల వివరాలను గోప్యంగా ఉంచుతామని ఏసీబీ తెలిపింది. కేసుపై దర్యాప్తు కొనసాగుతోంది..!!
Admin
DNB News
మరిన్ని వార్తలు
Developed By :
