జనవరి 1 నుంచి సిమ్ బైండింగ్ రూల్స్.. ఫోన్‌లో సిమ్ లేకపోతే వాట్సాప్ పనిచేయదా..?

DNB News - india / : వాట్సాప్, టెలిగ్రామ్ వినియోగదారులకు కీలక సమాచారం. సైబర్ నేరాలను అరికట్టే లక్ష్యంతో కేంద్ర టెలికాం శాఖ (DoT) సిమ్ బైండింగ్ నిబంధనలను తీసుకొచ్చింది. ఈ నిబంధనల ప్రకారం, ఖాతాకు అనుసంధానమైన యాక్టివ్ సిమ్ కార్డు ఫోన్‌లో ఉండటం తప్పనిసరి కానుంది. కొత్త నిబంధనలు ఏమిటి..? వాట్సాప్, టెలిగ్రామ్, సిగ్నల్ వంటి కమ్యూనికేషన్ యాప్స్‌ను ఉపయోగించే ఫోన్‌లో, ఖాతా నమోదు చేసిన మొబైల్ నంబర్‌కు సంబంధించిన యాక్టివ్ సిమ్ ఉండాలి. సిమ్‌ను తొలగించినా లేదా డీయాక్టివేట్ చేసినా సంబంధిత యాప్ సేవలు నిలిచిపోయే అవకాశం ఉంది. ఈ నిబంధనలను అమలు చేసేందుకు యాప్ సంస్థలకు కేంద్ర ప్రభుత్వం *2026 డిసెంబర్ 31 వరకు గడువు* ఇచ్చింది. దీంతో 2027 జనవరి 1 నుంచి ఈ నిబంధనలు అమల్లోకి వచ్చే అవకాశం ఉంది. సైబర్ మోసాలు, నకిలీ గుర్తింపులతో చేసే కాల్స్, ఆన్‌లైన్ మోసాలను అరికట్టడమే ఈ చర్య ప్రధాన ఉద్దేశం. వినియోగదారులు తమ ఖాతాలకు అనుసంధానమైన సిమ్ కార్డును యాక్టివ్‌గా ఉంచుకోవడం మంచిది. గమనిక: కేంద్ర ప్రభుత్వ ఆదేశాల ప్రకారం సిమ్ బైండింగ్ అమలుకు గడువు డిసెంబర్ 31, 2026గా పొడిగించారు. యాప్‌లలో మార్పులు దశలవారీగా అమలయ్యే అవకాశం ఉన్నందున తాజా అధికారిక మార్గదర్శకాలను గమనించాలి..!!